"Italdizain" şirkətinin brend portfelinə Belçikanın ətirli şamlar, diffuzorlar və bədənə qulluq vasitələri istehsal edən "Baobab Collection" brendi də daxil olub. Brendin məhsulları Azərbaycanda "Yves Delorme" butikində təqdim edilir.
"Baobab Collection" brendinin əsası 2002-ci ildə qoyulub. Təbii landşafta, mədəniyyətə və özünəməxsus ab-havaya malik Tanzaniya brendin yaradıcıları üçün ilham mənbəyi olub. Brendin adı Afrika savannasının əsas simvollarından biri olan baobab ağacı ilə bağlıdır. Bir sıra Afrika mədəniyyətlərində bu ağac müqəddəs hesab olunur, həmçinin gücün və uzunömürlülüyün rəmzi kimi qəbul edilir.
Afrika motivləri kolleksiyaların ətirləri, rəngləri və vizual tərtibatında öz əksini tapır. Bununla yanaşı, bütün məhsullar ənənəvi sənətkarlıq üsullarına əsaslanaraq Avropada hazırlanır. Məhz bu yanaşma "Baobab Collection" markasının dərhal tanınan üslubunun təməlini təşkil edir ki, burada predmetin ətri və dizaynı vəhdət əmələ gətirir.
Brendin şamları əl ilə hazırlanır. Bu məqsədlə Almaniyadan gətirilən mineral mumdan istifadə olunur, şüşə Polşadan, dəri İtaliyadan tədarük edilir, ətir kompozisiyaları isə çoxillik ətriyyat ənənələrinə malik Qras şəhərində hazırlanır. Misir pambığından hazırlanan fitillər Belçika və Almaniyada istehsal olunur.
Şüşə qablar polşalı ustalar tərəfindən üfürmə üsulu ilə hazırlanır. Buna görə də hər bir məmulatın rəng çaları, naxışı və ya teksturası bir qədər fərqlənə bilər. Keramika qablar Portuqaliyada hazırlanır. Məhsulların tərtibatında ipək trafaret çapından, metallaşdırmadan, sublimasiya çapından, rafiya hörməsindən və qiymətli metalların tətbiqi ilə dekorasiyadan istifadə olunur.
"Baobab Collection" şam və diffuzorları beş ölçüdə təqdim edir. Brendin ən tanınan ölçülərindən biri yanma müddəti 800 saata çatan "Max 35"dir. Belə bir şam interyerin ifadəli elementinə çevrilir və ondan müstəqil dekorativ obyekt kimi də istifadə oluna bilər.
Əsas kolleksiyaların mövzusu səyahətlər, Afrika landşaftları, təbii materiallar, qiymətli daşlar və metallarla əlaqəlidir. "Les Exclusives" seriyası qızılı, mis və platin çalarlarının harmoniyası üzərində qurulub. "Stones" kolleksiyasında rəng şüşəyə üfürmə zamanı daxil edilir. Nəticədə, səthdə mərmər, əqiq və ya lazuriti xatırladan naxış yaranır.
Hər il brend məhdud sayda buraxılan kolleksiyalar təqdim edir. Onlardan biri Belçikanın "Tomorrowland" musiqi festivalına həsr olunub. Kolleksiyanın tərtibatında modern üslubunda bitki ornamentlərindən istifadə edilir və bu naxışlar şüşə üzərinə ipək trafaret çapı üsulu ilə tətbiq olunur.
Səyahət mövzusu "My First Baobab" kolleksiyasında da davam etdirilir. Kolleksiyaya Paris, Manhetten, Brüssel, Mayami, Sen-Trope və digər şəhərlərə həsr olunmuş kiçikölçülü şam və diffuzorlar daxildir. Ətirlərin əsasında konkret məkanlardan alınan təəssüratlar, şəxsi xatirələr və yaradıcıların hekayələri dayanır. Şüşə qablar qrafik naxışlarla, həmçinin 24 əyar qızıl və ya platin detallarla bəzədilir.
Brendin ayrıca istiqaməti olan "Body Wellness" tanış ətirləri gündəlik qulluq rituallarına daşıyır. Xəttə duş geli, maye və bərk sabun, bədən və əl losyonu, həmçinin əl kremi daxildir. Formullar Fransa laboratoriyası ilə birgə işlənib-hazırlanıb və baobab meyvəsinin aktiv komponentlərini ehtiva edir. Onlar dərinin nəmliliyini və təbii lipid balansını qorumağa kömək edir.
Baobab meyvələrindən əldə edilən xammal Burkina Fasodan ədalətli ticarət prinsipləri çərçivəsində tədarük olunur. Bu seriyada yer alan bütün parfümeriya kompozisiyaları tamamilə veqandır.
"Baobab Collection" markasının fəaliyyətində sənətkarların ustalığı mühüm rol oynayır. Qabların tərtibatı üçün eskizlər təbii landşaftlar, memarlıq və səyahət xatirələri əsasında hazırlanır. Bu motivlər kolleksiyaların vizual tərtibatının əsasını təşkil edir.
Bəzi kolleksiyalarda metallaşdırma texnikasından istifadə olunur. Şüşənin səthinə xüsusi məhlul çəkilir, daha sonra məmulat yüksək temperaturda alovla işlənmə prosesindən keçirilir. Nəticədə, xarakterik güzgü effekti əldə edilir.
Bir sıra kolleksiyaları bəzəyən rafiya lifli dekorativ elementlər Madaqaskarda fəaliyyət göstərən qadın kooperativi tərəfindən ərsəyə gətirilir. Sənətkar qadınlar brendin yaradıcı komandasının eskizləri əsasında işləyir və hər bir naxışı əl ilə hazırlayırlar. Bu layihə yerli sənətkarlıq ənənələrinin qorunmasına kömək edir və qadınlar üçün sabit gəlir mənbəyi təmin edir.
Bu gün "Baobab Collection" dünya üzrə 500-dən çox satış nöqtəsində, o cümlədən Brüsseldəki flaqman butikində, beynəlxalq univermaqlarda və interyer məkanlarında təqdim olunur. Brendin "Italdizain" şirkətinin portfelinə daxil edilməsi ətir, forma və materialın bir-birini tamamlayaraq məkanın ab-havasını formalaşdırdığı ev aksesuarlarının çeşidini daha da zənginləşdirir.
Brend və onun kolleksiyaları haqqında ətraflı məlumatı aşağıda qeyd olunan saytdan əldə edə bilərsiniz: https://italdizain.az/brands/baobab